2025-yil 23-may kuni, Muhammad al-Xorazmiy nomidagi Toshkent axborot texnologiyalari universiteti Urg‘anch filialida “Oliy taʼlim muassasalarida sifatni taʼminlash boʻyicha islohot va transformatsiya” mavzusidagi trening dasturining ikkinchi kuni bo‘lib o‘tdi. Mazkur tadbir Yevropa Ittifoqining Erasmus+ dasturi doirasida amalga oshirilayotgan QUARTZ loyihasi asosida tashkil etildi.
Treningda filial rahbariyati, jumladan direktor o‘rinbosarlari, fakultet dekanlari, professor-o‘qituvchilar, bo‘lim xodimlari hamda boshqa faol ishtirokchilar qatnashdilar.
Tadbir davomida ishtirokchilar oliy taʼlim tizimida sifatni taʼminlash boʻyicha xalqaro ilg‘or tajribalar bilan tanishdilar va o‘z bilim hamda ko‘nikmalarini mustahkamlash imkoniga ega bo‘ldilar.
Treningda faol ishtirok etgan barcha qatnashchilarga sertifikatlar topshirildi.
