2025-yil 28-may kuni, “Ipak yo‘li” turizm va madaniy meros xalqaro universitetida “Oliy taʼlim muassasalarida sifatni taʼminlash boʻyicha islohot va transformatsiya” mavzusida trening tashkil etildi. Ushbu tadbir Yevropa Ittifoqining Erasmus+ dasturi doirasida amalga oshirilayotgan QUARTZ loyihasi asosida o‘tkazildi.
Trening dasturini loyiha koordinatori S. Samariddinov kirish so‘zi bilan ochib berdi. U o‘z nutqida QUARTZ loyihasining O‘zbekiston oliy ta’lim tizimidagi o‘rni, dolzarbligi va samaradorligini alohida ta’kidladi.
Treningda universitetning professor-o‘qituvchilari, strukturaviy bo‘linmalar vakillari hamda talabalar faol ishtirok etdilar.
Dastur quyidagi asosiy yo‘nalishlarni qamrab oldi:
- Sifat boshqaruvi tizimining tahlili
- Yevropa tajribasiga asoslangan sifat nazorati mexanizmlari
- Akademik takliflarni rejalashtirish
- Ilmiy tadqiqotlar va PhD dasturlarini baholash
- Talabaga yo‘naltirilgan o‘quv rejalarini ishlab chiqish
- Guruh mashg‘ulotlari va amaliy topshiriqlarni bajarish
Mazkur trening oliy ta’limda sifatni oshirish, xalqaro tajribani o‘zlashtirish va innovatsion yondashuvlarni joriy etishga xizmat qiladi.
