Oliy taʼlim sifatini oshirish va zamonaviy yondashuvlarni joriy etishga qaratilgan Erasmus+ QUARTZ loyihasi doirasida Kimyo xalqaro universiteti mezbonligida navbatdagi seminar bo‘lib o‘tdi.
Seminar davomida quyidagi muhim mavzular yoritildi:
-
Oliy taʼlim muassasalarida taʼlim sifatini taʼminlash bilan bog‘liq dolzarb masalalar
-
Talabaga yo‘naltirilgan taʼlimning universitetning qisqa muddatli strategiyasidagi o‘rni
-
Talaba bilimini baholashda innovatsion yondashuvlar
-
Universitet boshqaruv tuzilmasi va institutsional aloqalar
Seminarda Markaziy Osiyo Universitetidan PhD M. Kamalov (Sifatni ta’minlash kengashi rahbari) va M. Artikova (ELTEM kafedrasi mudirasi), shuningdek Kimyo xalqaro universitetidan DSc. Sh. Elmurodov (Xalqaro marketing kafedrasi mudiri) hamda PhD Z. Sharipova (Biznes boshqaruvi kafedrasi mudirasi) o‘z taqdimotlari bilan ishtirok etdilar.
Mazkur tadbir O‘zbekiston oliy taʼlimida sifatni oshirish va xalqaro tajribalarni tatbiq etish yo‘lidagi yana bir muhim qadam bo‘ldi.
